Sports News 

ਦੁਬਈ ਓਪਨ: ਸੇਰੇਨਾ ਦਾ

ਆਖਰੀ ਅੱਠਾਂ ਵਿੱਚ ਦਾਖ਼ਲਾ


ਦੁਬਈ, 20 ਫਰਵਰੀ - ਸੱਟ ਤੋਂ  ਉੱਭਰ ਕੇ ਕੋਰਟ ਵਿੱਚ ਪਰਤੀ ਵਿਸ਼ਵ ਦੀ ਅੱਵਲ ਨੰਬਰ ਟੈਨਿਸ ਖਿਡਾਰਨ ਅਮਰੀਕਾ ਦੀ ਸੇਰੇਨਾ ਵਿਲੀਅਮਜ਼ ਨੇ ਦੁਬਈ ਓਪਨ ਟੈਨਿਸ ਟੂਰਨਾਮੈਂਟ ਦੇ ਮਹਿਲਾ ਸਿੰਗਲ ਵਰਗ ਦੇ ਕੁਆਰਟਰ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰ ਲਈ ਹੈ। ਟੂਰਨਾਮੈਂਟ ’ਚ ਵਾਈਲਡ ਕਾਰਡ ਰਾਹੀਂ ਦਾਖ਼ਲ ਹੋਈ ਸੇਰੇਨਾ ਨੇ ਦੂਜੇ ਗੇੜ ਵਿੱਚ ਰੂਸ ਦੀ ਏਕਾਤੇਰੀਨਾ ਮਾਕਾਰੋਵਾ ਨੂੰ 7-6, 6-0 ਨਾਲ ਸ਼ਿਕਸਤ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਪਿਛਲੇ ਮਹੀਨੇ ਆਸਟਰੇਲੀਅਨ ਓਪਨ ਦੌਰਾਨ ਸੇਰੇਨਾ ਦੀ ਪਿੱਠ ’ਤੇ ਸੱਟ ਲੱਗ ਗਈ ਸੀ। ਇਸ ਬਾਅਦ ਉਹ ਪਹਿਲੀ ਵਾਰ ਇਸ ਟੂਰਨਾਮੈਂਟ ’ਚ ਖੇਡ ਰਹੀ ਹੈ।ਸੇਰੇਨਾ ਨੇ ਮੈਚ ਜਿੱਤਣ ਬਾਅਦ ਕਿਹਾ, ‘‘ਪਹਿਲੇ ਸੈੱਟ ਵਿੱਚ ਮੈਨੂੰ ਕੁਝ ਮੁਸ਼ਕਲ ਹੋਈ ਪਰ ਮੇਰਾ ਸਰੀਰ ਫਿਲਹਾਲ ਠੀਕ ਹੈ। ਮੈਨੂੰ ਲਗਾਤਾਰ ਖੇਡਣਾ ਚਾਹੀਦਾ ਹੈ ਤਾਂ ਜੋ ਮੈਂ ਖੇਡ ਮੁਤਾਬਕ ਖ਼ੁਦ ਨੂੰ ਢਾਲ ਸਕਾਂ।’’ ਵਿਸ਼ਵ ਦੀ 24ਵੇਂ ਨੰਬਰ ਦੀ ਖਿਡਾਰਨ ਮਾਕਾਰੋਵਾ ਨੇ ਪਹਿਲੀ ਗੇਮ ਵਿੱਚ ਸੇਰੇਨਾ ਦੀ ਸਰਵਿਸ ਤੋੜੀ ਅਤੇ ਇਕ ਸਮੇਂ ਸੈੱਟ 5-4 ’ਤੇ ਪਹੁੰਚ ਗਿਆ ਸੀ। ਪਰ ਇਸ ਬਾਅਦ ਰੂਸੀ ਖਿਡਾਰਨ ਨੇ ਫਾਲਟ ਕਰ ਦਿੱਤਾ, ਜਿਸ ਨਾਲ ਸੇਰੇਨਾ ਨੇ ਸਕੋਰ 5-5 ਕਰ ਦਿੱਤਾ। ਇਸ ਬਾਅਦ ਅਮਰੀਕੀ  ਖਿਡਾਰਨ ਨੇ 12ਵੀਂ ਗੇਮ ’ਚ ਮਾਕਾਰੋਵਾ ਦੀ ਸਰਵਿਸ ’ਤੇ ਸੈੱਟ ਪੁਆਇੰਟ ਹਾਸਲ ਕੀਤਾ। ਟਾਈਬਰੇਕ ਰਾਹੀਂ ਸੇਰੇਨਾ ਨੇ ਇਹ ਸੈੱਟ ਆਪਣੇ ਨਾਂ ਕਰ ਲਿਆ।ਦੂਜੇ ਸੈੱਟ ਵਿੱਚ ਸੇਰੇਨਾ ਨੇ ਮਾਕਾਰੋਵਾ ਨੂੰ ਵਾਪਸੀ ਦਾ ਕੋਈ ਮੌਕਾ ਨਹੀਂ ਦਿੱਤਾ ਅਤੇ ਇਕਤਰਫ਼ਾ ਅੰਦਾਜ਼ ’ਚ 6-0 ਨਾਲ ਦੂਜਾ ਸੈੱਟ ਵੀ ਜਿੱਤ ਲਿਆ। ਇਸ ਦੌਰਾਨ ਸਰਬੀਆ ਦੀ ਐਨਾ ਇਵਾਨੋਵਿਕ ਨੇ ਜਰਮਨੀ ਦੀ ਐਂਜਲਿਕ ਕਰਬਰ ਨੂੰ 3-6, 6-3, 7-6 ਨਾਲ ਹਰਾ ਕੇ ਦੂਜੇ ਗੇੜ ’ਚ ਦਾਖਲਾ ਹਾਸਲ ਕਰ ਲਿਆ ਹੈ। ਡੈਨਮਾਰਕ ਦੀ ਕੈਰੋਲੀਨ ਵੋਜ਼ਨਿਆਕੀ ਨੇ ਜਰਮਨੀ ਦੀ ਸਬਾਈਨ ਲੇਸਿਕੀ ਨੂੰ 2-6, 6-3, 6-3 ਨਾਲ ਸ਼ਿਕਸਤ ਦਿੱਤੀ।ਮਹਿਲਾਵਾਂ ਦੇ ਸਿੰਗਲ ਵਰਗ ਦੇ ਇਕ ਹੋਰ ਮੈਚ ਵਿੱਚ ਬੈਲਜੀਅਮ ਦੀ ਕਸਟਰਨ ਫਿਲਪਕੇਂਜ, ਇਟਲੀ ਦੀ ਫਲਾਵੀਆ ਪੇਨੇਟਾ, ਜਰਮਨੀ ਦੀ ਏਨਿਆ ਬੇਕ, ਸਰਬੀਆ ਦੀ ਯੇਲੇਨਾ ਯਾਂਕੋਵਿਚ ਅਤੇ ਫਰਾਂਸ ਦੀ ਐਲਾਈਜ਼ ਕੋਰਨਟ ਨੇ ਵੀ ਆਪਣੇ-ਆਪਣੇ ਮੈਚ ਜਿੱਤ ਕੇ ਦੂਜੇ ਗੇੜ ’ਚ ਦਾਖਲਾ ਹਾਸਲ ਕਰ ਲਿਆ ਹੈ।

ਰਹਾਣੇ ਦੇ ਸੈਂਕੜੇ ਸਦਕਾ ਭਾਰਤ ਫਰੰਟ ਫੁੱਟ ’ਤੇ
ਪਹਿਲੀ ਪਾਰੀ ਵਿੱਚ ਭਾਰਤ ਨੂੰ ਨਿਊਜ਼ੀਲੈਂਡ ’ਤੇ 246 ਦੌੜਾਂ ਦੀ ਲੀਡ


ਵਲਿੰਗਟਨ, 16 ਫਰਵਰੀ - ਨੰਬਰ 7 ਉਪਰ ਬੱਲੇਬਾਜ਼ੀ ਕਰਨ ਉਤਰੇ ਅਜਿਨਕਿਆ ਰਹਾਣੇ ਦੇ ਪਹਿਲੇ ਟੈਸਟ ਸੈਂਕੜੇ (118) ਦੇ ਦਮ ’ਤੇ ਭਾਰਤ ਨੇ ਨਿਊਜ਼ੀਲੈਂਡ ਖ਼ਿਲਾਫ਼ ਦੂਜੇ ਟੈਸਟ ਦੇ ਦੂਜ ਦਿਨ ਅੱਜ 438 ਦੌੜਾਂ ਬਣਾ ਕੇ ਆਪਣਾ ਸ਼ਿਕੰਜਾ ਮਜ਼ਬੂਤ ਕਰ ਲਿਆ।ਮੈਚ ਦੇ ਦੂਜੇ ਦਿਨ ਬੱਲੇਬਾਜ਼ੀ ਦੇ ਬਿਹਤਰੀਨ ਪ੍ਰਦਰਸ਼ਨ ਮਗਰੋਂ ਮੇਜ਼ਬਾਨ ਟੀਮ ਨਿਊਜ਼ੀਲੈਂਡ ਨੇ ਟੀਮ ਇੰਡੀਆ ਨੂੰ ਦੁਪਹਿਰ ਦੇ ਖਾਣੇ ਮਗਰੋਂ ਆਊਟ ਕਰ ਦਿੱਤਾ। ਭਾਰਤ ਨੇ ਪਹਿਲੀ ਪਾਰੀ ਵਿੱਚ 102.24 ਓਵਰਾਂ ਵਿੱਚ ਕੁੱਲ 438 ਦੌੜਾਂ ਬਣਾ ਕੇ ਨਿਊਜ਼ੀਲੈਂਡ ਉਪਰ 246 ਦੌੜਾਂ  ਦੀ ਮਜ਼ਬੂਤ ਲੀਡ ਲੈ ਲਈ ਹੈ।
ਇਸ ਮਗਰੋਂ ਨਿਊਜ਼ੀਲੈਂਡ ਨੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਆਪਣੀ ਦੂਜੀ ਪਾਰੀ ਵਿੱਚ ਇਕ ਵਿਕਟ ਗੁਆ ਕੇ 24 ਦੌੜਾਂ ਬਣਾ ਲਈਆਂ। ਨਿਊਜ਼ੀਲੈਂਡ ਹਾਲੇ ਭਾਰਤ ਤੋਂ 224 ਦੌੜਾਂ ਪਿੱਛੇ ਹੈ, ਜਦਕਿ ਉਸ ਕੋਲ 9 ਵਿਕਟਾਂ ਬਾਕੀ ਹਨ। ਹਾਮਿਸ਼ ਰਦਰਫੋਰਡ 18 ਤੇ ਕੇਨ ਵਿਲੀਅਮਸਨ 4 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।ਦੂਜੇ ਦਿਨ ਮੈਚ ਦੇ ਹੀਰੋ ਰਹੇ ਰਹਾਣੇ ਨੇ ਕੋਰੀ ਐਂਡਰਸਨ ਦੀ ਗੇਂਦ ਉਪਰ ਆਪਣਾ 15ਵਾਂ ਚੌਕਾ ਮਾਰ ਕੇ ਜਿਵੇਂ ਹੀ ਸੈਂਕੜਾ ਪੂਰਾ ਕੀਤਾ ਤਾਂ ਪੂਰੀ ਭਾਰਤੀ ਟੀਮ ਨੇ ਖੜ੍ਹੇ ਹੋ ਕੇ ਉਸ ਦੀ ਹੌਸਲਾ-ਅਫਜ਼ਾਈ ਕੀਤੀ। ਰਹਾਣੇ ਨੇ ਵੀ ਹਵਾ ਵਿੱੱਚ ਬੱਲਾ ਲਹਿਰਾ ਕੇ ਆਪਣੀ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਇਸ ਤੋਂ ਪਹਿਲਾਂ ਡਰਬਨ ਵਿੱਚ ਦੱਖਣੀ ਅਫਰੀਕਾ ਖ਼ਿਲਾਫ਼ 96 ਦੌੜਾਂ ਦੀ ਆਪਣੀ ਸਰਵੋਤਮ ਪਾਰੀ ਖੇਡੀ ਸੀ। 7ਵੇਂ ਨੰਬਰ  ’ਤੇ ਬੱਲੇਬਾਜ਼ੀ ਕਰਦਿਆਂ ਵੀ ਉਸ ਨੇ ਬੇਝਿਜਕ ਹੋ ਕੇ ਪੂਰੇ ਆਤਮ- ਵਿਸ਼ਵਾਸ ਨਾਲ ਖੇਡ ਦਿਖਾਈ। ਉਸ ਨੇ 158 ਗੇਂਦਾਂ ਵਿੱਚ 17 ਚੌਕੇ ਤੇ ਇਕ ਛੱਕਾ ਮਾਰ ਕੇ 118 ਦੌੜਾਂ ਬਣਾਈਆਂ। ਨਿਊਜ਼ੀਲੈਂਡ ਲਈ ਖਤਰਾ ਬਣੇ ਰਹਾਣੇ ਨੂੰ ਟਿਮ ਸਾਊਦੀ ਨੇ ਬੀਜੇ ਵਾਟਲਿੰਗ ਦੇ ਹੱਥੋਂ ਕੈਚ ਕਰਵਾ ਲਿਆ। ਇਸ ਤੋਂ ਪਹਿਲਾਂ ਦਿਨ ਦੀ ਸ਼ੁਰੂਆਤ ਵਿੱਚ ਭਾਰਤ ਨੇ ਆਪਣੀ ਪਹਿਲੀ ਪਾਰੀ 100 ਦੌੜਾਂ ਤੇ ਦੋ ਵਿਕਟਾਂ ਤੋਂ ਅੱਗੇ ਸ਼ੁਰੂ ਕੀਤੀ। ਓਪਨਰ ਸ਼ਿਖਰ ਧਵਨ ਨੇ ਨਾਬਾਦ 71 ਤੇ ਇਸ਼ਾਂਤ ਸ਼ਰਮਾ ਨੇ 3 ਦੌੜਾਂ ਤੋਂ ਅੱਗੇ ਖੇਡਦਿਆਂ ਦੌੜਾਂ ਦੀ ਰਫ਼ਤਾਰ ਤੇਜ਼ ਕੀਤੀ। ਧਵਨ 98 ’ਤੇ ਤੇ ਇਸ਼ਾਂਤ 26 ਦੌੜਾਂ ’ਤੇ ਆਊਟ ਹੋ ਗਿਆ।
ਦੂਜੀ ਪਾਰੀ ਵਿੱਚ ਨਿਊਜ਼ੀਲੈਂਡ ਦੀ ਇਕੋ-ਇਕ ਵਿਕਟ ਤਜਰਬੇਕਾਰ ਭਾਰਤੀ ਤੇਜ਼ ਗੇਂਦਬਾਜ਼ ਜ਼ਹੀਰ ਖ਼ਾਨ ਨੇ ਲਈ। ਉਸ ਨੇ ਓਪਨਰ ਪੀਟਰ ਫ਼ਲਟਨ ਨੂੰ ਇਕ ਦੌੜ ’ਤੇ ਆਊਟ ਕਰਕੇ ਭਾਰਤ ਨੂੰ ਪਹਿਲੀ ਕਾਮਯਾਬੀ ਦਿਵਾਈ ਤੇ ਨਿਊਜ਼ੀਲੈਂਡ ’ਤੇ ਦਬਾਅ ਪਾਇਆ। ਮੈਚ ਦੇ ਪਹਿਲੇ ਦਿਨ ਜਿੱਥੇ ਭਾਰਤੀ ਗੇਂਦਬਾਜ਼ਾਂ ਇਸ਼ਾਂਤ ਤੇ ਸ਼ਮੀ ਦੀ ਚਰਚਾ ਰਹੀ, ਉੱਥੇ ਦੂਜੇ ਦਿਨ ਭਾਰਤੀ ਬੱਲੇਬਾਜ਼ਾਂ ਨੇ ਕਮਾਲ ਕੀਤਾ। ਟੈਸਟ ਦੇ ਪਹਿਲੇ ਦਿਨ ਭਾਰਤ ਨੇ ਮੁਰਲੀ ਵਿਜੈ (2) ਤੇ ਚੇਤੇਸ਼ਵਰ ਪੁਜਾਰਾ (19) ਦੀਆਂ ਵਿਕਟਾਂ ਗੁਆ ਦਿੱਤੀਆਂ। ਧਵਨ ਨੇ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦਿਆਂ ਤੀਜੀ ਵਿਕਟ ਲਈ ਇਸ਼ਾਂਤ ਨਾਲ 57 ਦੌੜਾਂ ਜੋੜੀਆਂ। ਇਸ਼ਾਂਤ ਦੇ ਆਊਟ ਹੋਣ ਮਗਰੋਂ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਬੱਲੇਬਾਜ਼ੀ ਕ੍ਰਮ ਵਿੱਚ ਜੋ ਵੀ ਬਦਲਾਅ ਕੀਤੇ ਉਸ ਦਾ ਉਸ ਨੂੰ ਪੂਰਾ ਲਾਭ ਹੋਇਆ। ਪੰਜਵੇਂ ਨੰਬਰ ’ਤੇ  ਉਤਾਰੇ ਵਿਰਾਟ ਕੋਹਲੀ ਨੇ 38 ਦੌੜਾਂ ਬਣਾਈਆਂ। ਦੂਜੇ ਪਾਸੇ ਟਿਕੇ ਹੋਏ ਰਹਾਣੇ ਨੇ ਵਿਰਾਟ ਨਾਲ ਰਲ ਕੇ ਛੇਵੀਂ ਵਿਕਟ ਲਈ 63 ਤੇ ਕਪਤਾਨ ਧੋਨੀ ਨਾਲ 7ਵੀਂ ਵਿਕਟ ਲਈ 102 ਦੌੜਾਂ ਦੀਆਂ ਭਾਈਵਾਲੀਆਂ ਕੀਤੀਆਂ। ਧੋਨੀ ਨੇ ਵੀ 68 ਦੌੜਾਂ ਬਣਾਈਆਂ। ਰੋਹਿਤ ਸ਼ਰਮਾ ਖਾਤਾ ਖੋਲ੍ਹੇ ਬਗੈਰ  ਹੀ ਪੈਵੇਲੀਅਨ ਪਰਤ ਆਇਆ। ਨਿਊਜ਼ੀਲੈਂਡ ਵੱਲੋਂ ਟਰੇਂਟ ਵੋਲਟ ਨੇ 26 ਓਵਰਾਂ ਵਿੱਚ 99 ਦੌੜਾਂ ਦੇ ਕੇ 3, ਸਾਊਦੀ ਨੇ 93 ਦੌੜਾਂ ਦੇ ਕੇ 3 ਤੇ ਵੈਗਨਰ ਨੇ 106 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਨਿਸ਼ਾਮ ਨੂੰ ਇਕ ਵਿਕਟ ਮਿਲੀ।

ਇਸ਼ਾਂਤ ਤੇ ਸ਼ਮੀ ਅੱਗੇ ਕਿਵੀ

ਟੀਮ ਨੇ ਗੋਡੇ ਟੇਕੇ


ਵਲਿੰਗਟਨ, 15 ਫਰਵਰੀ - ਇਸ਼ਾਂਤ ਸ਼ਰਮਾ ਨੇ ਤੇਜ਼ ਗੇਂਦਬਾਜ਼ੀ ਲਈ ਅਨੁਕੂਲ ਹਾਲਾਤ ਦਾ ਲਾਹਾ ਲੈਂਦਿਆਂ ਕਰੀਅਰ ਦਾ ਬਿਹਤਰੀਨ ਪ੍ਰਦਰਸ਼ਨ ਕਰਕੇ ਭਾਰਤ ਨੂੰ ਦੂਜੇ ਅਤੇ ਅੰਤਮ ਟੈਸਟ ਮੈਚ ਦੇ ਪਹਿਲੇ ਦਿਨ ਨਿਊਜ਼ੀਲੈਂਡ ਖ਼ਿਲਾਫ਼ ਚੰਗੀ ਸਥਿਤੀ ਵਿੱਚ ਪਹੁੰਚਾ ਦਿੱਤਾ। ਇਸ਼ਾਂਤ ਨੇ 51 ਦੌੜਾਂ ਦੇ ਕੇ ਛੇ ਵਿਕਟਾਂ ਲਈਆਂ। ਇਸ ਨਾਲ ਨਿਊਜ਼ੀਲੈਂਡ ਦੀ ਪਾਰੀ ਸਿਰਫ 192 ਦੌੜਾਂ ਉੱਤੇ ਸਿਮਟ ਗਈ।
ਇਸ਼ਾਂਤ ਨੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਬੇਸਿਨ ਰਿਜ਼ਰਵ ਦੀ ਹਰਿਆਲੀ ਪਿੱਚ ਉੱਤੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦੇ ਫੈਸਲੇ ਨੂੰ ਸਹੀ ਠਹਿਰਾਇਆ ਅਤੇ ਵਧੀਆ ਲਾਈਨ ਤੇ ਲੈਂਥ ਨਾਲ ਮੇਜ਼ਬਾਨ ਟੀਮ ਦੇ ਬੱਲੇਬਾਜ਼ਾਂ ਨੂੰ ਗੋਡੇ ਟੇਕਣ ਉੱਤੇ ਮਜਬੂਰ ਕਰ ਦਿੱਤਾ। ਭਾਰਤ ਦੇ ਪਹਿਲੇ ਦਿਨ ਵਧੀਆ ਪ੍ਰਦਰਸ਼ਨ ਵਿੱਚ ਮੁਹੰਮਦ ਸ਼ਮੀ ਦੀਆਂ 70 ਦੌੜਾਂ ਦੇ ਕੇ ਚਾਰ ਵਿਕਟਾਂ ਨੇ ਵੀ ਚੰਗਾ ਯੋਗਦਾਨ ਦਿੱਤਾ। ਉਨ੍ਹਾਂ ਅਹਿਮ ਮੌਕਿਆਂ ਉੱਤੇ ਕੇਨ ਵਿਲੀਅਮਸਨ (47) ਅਤੇ ਪਹਿਲਾ ਮੈਚ ਖੇਡ ਰਹੇ ਜੇਮਜ਼ ਨਿਸ਼ਾਮ (33) ਦੀਆਂ ਵਿਕਟਾਂ ਲਈਆਂ। ਭਾਰਤ ਦੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਨੇ ਇਸ ਤੋਂ ਬਾਅਦ ਨਾਬਾਦ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ, ਜਿਸ ਨਾਲ ਭਾਰਤ ਨੇ ਪਹਿਲੇ ਦਿਨ ਦੀ ਖੇਡ ਖ਼ਤਮ ਹੋਣ ਤੱਕ ਦੋ ਵਿਕਟਾਂ ਉੱਤੇ 100 ਦੌੜਾਂ ਬਣਾ ਲਈਆਂ।
ਮਹਿਮਾਨ ਟੀਮ ਨੇ ਸਲਾਮੀ ਬੱਲੇਬਾਜ਼ ਮੁਰਲੀ ਵਿਜੈ (2) ਅਤੇ ਚੇਤੇਸ਼ਵਰ ਪੁਜਾਰਾ (19) ਦੀਆਂ ਵਿਕਟਾਂ ਸਸਤੇ ਵਿੱਚ ਗਵਾ ਦਿੱਤੀਆਂ। ਧਵਨ ਨਾਬਾਦ 71 ਦੌੜਾਂ ਅਤੇ ਇਸ਼ਾਂਤ ਸ਼ਰਮਾ ਤਿੰਨ ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਇਸ਼ਾਂਤ ਸ਼ਰਮਾ ਨੇ ਲੜੀ ਵਿੱਚ ਦੂਜੀ ਵਾਰ ਪੰਜ ਵਿਕਟਾਂ ਹਾਸਲ ਕੀਤੀਆਂ ਅਤੇ ਆਪਣੇ 55 ਟੈਸਟਾਂ ਮੈਚਾਂ ਵਿੱਚ ਕੁੱਲ ਪੰਜਵੀਂ ਵਾਰ ਇਹ ਕਾਰਨਾਮਾ ਕੀਤਾ। ਇਸ਼ਾਂਤ ਨੇ ਸਵੇਰ ਦੇ ਚਾਰ ਓਵਰਾਂ ਵਿੱਚ ਹੀ ਤਿੰਨ ਵਿਕਟਾਂ ਹਾਸਲ ਕੀਤੀਆਂ, ਜਿਸ ਨਾਲ ਭਾਰਤ ਦੇ ਸਫ਼ਲ ਦਿਨ ਦੀ ਨੀਂਹ ਰੱਖੀ ਗਈ।
ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਜ਼ਹੀਰ ਖ਼ਾਨ ਕੋਈ ਵਿਕਟ ਹਾਸਲ ਨਹੀਂ ਕਰ ਸਕਿਆ। ਸ਼ਮੀ ਦੀ ਸ਼ੁਰੂਆਤ ਵੀ ਚੰਗੀ ਨਹੀਂ ਹੋਈ। ਉਸ ਨੇ ਆਪਣੇ ਪਹਿਲੇ ਤਿੰਨ ਓਵਰਾਂ ਵਿੱਚ 14 ਦੌੜਾਂ ਦਿੱਤੀਆਂ। ਇਸ ਤੋਂ ਬਾਅਦ ਇਸ਼ਾਂਤ ਨੂੰ ਅੱਠਵੇਂ ਓਵਰ ਵਿੱਚ ਦੁਬਾਰਾ ਗੇਂਦਬਾਜ਼ੀ ਉੱਤੇ ਲਾਇਆ ਗਿਆ ਅਤੇ ਉਸ ਨੇ ਕਪਤਾਨ ਦੀਆਂ ਉਮੀਦਾਂ ’ਤੇ ਖ਼ਰਾ ਉਤਰਦਿਆਂ ਪਹਿਲਾ ਸੈਸ਼ਨ ਭਾਰਤ ਦੇ ਪੱਖ ਵਿੱਚ ਕਰ ਦਿੱਤਾ।ਹਾਮਿਸ਼ ਰਦਰਫੋਰਡ (12) ਇਸ਼ਾਂਤ ਦੀ ਸ਼ਾਰਟ ਗੇਂਦ ਨੂੰ ਸਹੀ ਤਰੀਕੇ ਨਾਲ ਖੇਡ ਨਹੀਂ ਸਕਿਆ ਅਤੇ ਪਹਿਲੀ ਸਲਿੱਪ ਵਿੱਚ ਮੁਰਲੀ ਵਿਜੈ ਹੱਥੋਂ ਕੈਚ ਆਊਟ ਹੋ ਗਿਆ। ਦੋ ਓਵਰਾਂ ਬਾਅਦ ਇਸ਼ਾਂਤ ਨੇ ਪੀਟਰ ਫੁਲਟਨ (13) ਨੂੰ ਐਲਬੀਡਬਲਿਊ ਆਊਟ ਕੀਤਾ। ਇਸ ਤੋਂ ਬਾਅਦ ਉਸ ਨੇ ਪਹਿਲਾ ਮੈਚ ਖੇਡ ਰਹੇ ਲਾਥਮ ਨੂੰ ਸਿਫ਼ਰ ’ਤੇ ਆਊਟ ਕੀਤਾ।
ਇਸ ਮਗਰੋਂ ਆਕਲੈਂਡ ਵਿੱਚ ਦੋਹਰਾ ਸੈਂਕੜਾ ਬਣਾਉਣ ਵਾਲੇ ਬ੍ਰੈਂਡਨ ਮੈਕੁਲਮ ਕਰੀਜ਼ ਉੱਤੇ ਉੱਤਰੇ, ਜਿਨ੍ਹਾਂ ਫਾਰਮ ਵਿੱਚ ਚੱਲ ਰਹੇ ਵਿਲੀਅਮਸਨ ਨਾਲ ਮਿਲ ਕੇ ਚੌਥੇ ਵਿਕਟ ਲਈ 19 ਦੌੜਾਂ ਜੋੜੀਆਂ। ਉਹ ਸ਼ਮੀ ਦੀ ਗੇਂਦ ਉੱਤੇ ਮਿਡ ਆਫ ਵਿੱਚ ਜਡੇਜਾ ਨੂੰ ਕੈਚ ਦੇ ਬੈਠਿਆ। ਮੇਜ਼ਬਾਨ ਟੀਮ ਲਈ ਪਹਿਲਾ ਸੈਸ਼ਨ ਕਾਫੀ ਖ਼ਰਾਬ ਰਿਹਾ।
ਚਾਹ ਦੇ ਸਮੇਂ ਤੱਕ ਨਿਊਜ਼ੀਲੈਂਡ ਦਾ ਸਕੋਰ 8 ਵਿਕਟਾਂ ’ਤੇ 166 ਦੌੜਾਂ ਸੀ। ਤੀਜੇ ਸੈਸ਼ਨ ਵਿੱਚ ਟਿਮ ਸਾਊਦੀ ਨੇ ਤੇਜ਼ੀ  ਨਾਲ ਦੌੜਾਂ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਤਿੰਨ ਛੱਕੇ ਲਾਏ ਪਰ ਉਹ 52ਵੇਂ ਓਵਰ ਵਿੱਚ ਇਸ਼ਾਂਤ ਦਾ ਛੇਵਾਂ ਸ਼ਿਕਾਰ ਬਣਿਆ। ਸ਼ਮੀ ਨੇ ਆਖਰੀ ਖਿਡਾਰੀ ਟ੍ਰੇਂਟ ਬੋਲਟ (2) ਨੂੰ ਆਊਟ ਕੀਤਾ, ਜਿਸ ਨਾਲ ਚਾਹ ਤੋਂ ਬਾਅਦ ਚੌਥੇ ਓਵਰ ਵਿੱਚ ਨਿਊਜ਼ੀਲੈਂਡ ਦੀ ਪਾਰੀ ਸਿਮਟ ਗਈ।

ਅਨਕੈਪਡ ਖਿਡਾਰੀਆਂ ’ਚ ਕਰਨ

ਸ਼ਰਮਾ ਸਭ ਤੋਂ ਮਹਿੰਗਾ

ਬੰਗਲੌਰ, 14 ਫਰਵਰੀ - ਰੇਲਵੇ ਦਾ ਹਰਫਨਮੌਲਾ ਕਰਨ ਸ਼ਰਮਾ ਆਈ.ਪੀ.ਐਲ. ਦੇ ਅਨਕੈਪਡ ਖਿਡਾਰੀਆਂ ਦੀ ਨਿਲਾਮੀ ਵਿੱਚ ਅੱਜ ਇਥੇ ਸਭ ਤੋਂ ਮਹਿੰਗਾ ਵਿਕਿਆ। ਉਸ ਨੂੰ ਸਨਰਾਈਜਰਸ ਹੈਦਰਾਬਾਦ ਨੇ 3 ਕਰੋੜ 75 ਲੱਖ ਵਿੱਚ ਖਰੀਦਿਆ, ਜਦਕਿ ਹਰਫਨਮੌਲਾ ਰਿਸ਼ੀ ਧਵਨ ’ਤੇ ਕਿੰਗਜ਼ ਇਲੈਵਨ ਪੰਜਾਬ ਨੇ ਤਿੰਨ ਕਰੋੜ ਰੁਪਏ ਖਰਚੇ। ਨਿਊਜ਼ੀਲੈਂਡ ਦੇ ਸਾਬਕਾ ਕਪਤਾਨ ਰੋਸ ਟੇਲਰ ਕੱਲ੍ਹ ਪਹਿਲੇ ਦਿਨ ਨਿਲਾਮੀ ਵਿੱਚ ਨਹੀਂ ਵਿਕਿਆ, ਪਰ ਅੱਜ ਉਹ ਮੁੜ ਦਿੱਲੀ ਡੇਅਰਡੇਵਿਲਸ ਟੀਮ ਦਾ ਹਿੱਸਾ ਬਣ ਗਿਆ। ਉਸ ਨੂੰ ਦੋ ਕਰੋੜ ਰੁਪਏ ਦੇ ਬੇਸਿਕ ਮੁੱਲ ’ਤੇ ਖਰੀਦਿਆ ਗਿਆ। ਸ੍ਰੀਲੰਕਾ ਦਾ ਸਾਬਕਾ ਕਪਤਾਨ ਮਾਹੇਲਾ ਜੈਵਰਧਨੇ, ਵੈਸਟ ਇੰਡੀਜ਼ ਦਾ ਆਲਰਾਊਂਡਰ ਐਮ. ਸੈਮੂਅਲਜ, ਆਸਟਰੇਲੀਆ ਦਾ ਕੈਮਰੂਨ ਵ੍ਹਾਈਟ, ਡੇਵਿਡ ਹਸੀ ਅਤੇ ਨਿਊਜ਼ੀਲੈਂਡ ਦਾ ਬੱਲੇਬਾਜ਼ ਮਾਰਟਿਨ ਗੁਪਟਿਲ ਵਰਗੇ ਖਿਡਾਰੀਆਂ ਨੂੰ ਦੂਜੇ ਦਿਨ ਵੀ ਕਿਸੇ ਨਹੀਂ ਖਰੀਦਿਆ।ਕੱਲ੍ਹ ਰਾਇਲ ਚੈਲੇਂਜਰਸ ਬੰਗਲੌਰ ਵੱਲੋਂ ਯੁਵਰਾਜ ਸਿੰਘ ਲਈ ਲਗਾਈ 14 ਕਰੋੜ ਰੁਪਏ ਦੀ ਬੋਲੀ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ ਤਾਂ ਅੱਜ ਅਨਕੈਪਡ (ਜਿਹੜਾ ਕੌਮਾਂਤਰੀ ਮੈਚ ਨਹੀਂ ਖੇਡਿਆ) ਖਿਡਾਰੀਆਂ ਦੀ ਨਿਲਾਮੀ ਵਿੱਚ ਹੈਰਾਨ ਕਰਨ ਵਾਲੇ ਨਤੀਜੇ ਸਾਹਮਣੇ ਆਏ। ਜਿਹੜੇ ਖਿਡਾਰੀ ਮੋਟੀ ਰਾਸ਼ੀ ਹਾਸਲ ਕਰ ਗਏ, ਉਨ੍ਹਾਂ ਵਿੱਚ ਕੇਦਾਰ ਜਾਧਵ ਵੀ ਸ਼ਾਮਲ ਹੈ। ਉਸ ਨੂੰ ਦਿੱਲੀ ਡੇਅਰਡੇਵਿਲਸ ਨੇ ਦੋ ਕਰੋੜ ਰੁਪਏ ਵਿੱਚ ਖਰੀਦਿਆ। ਇਸ ਸੈਸ਼ਨ ਵਿੱਚ ਰਣਜੀ ਟਰਾਫੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਜਾਧਵ ਦਾ ਬੇਸਿਕ ਮੁੱਲ 30 ਲੱਖ ਰੁਪਏ ਸੀ।ਧਵਨ ਤੇਜ਼ ਗੇਂਦਬਾਜ਼ ਹੋਣ ਦੇ ਨਾਲ-ਨਾਲ ਮੱਧਮ ਤੇਜ਼ ਗੇਂਦਬਾਜ਼ ਹੈ। ਉਹ 2008 ਵਿੱਚ ਆਈ.ਪੀ.ਐਲ. ਵਿੱਚ ਪੰਜਾਬ ਲਈ ਖੇਡਿਆ ਸੀ ਤੇ ਪਿਛਲੇ ਸੈਸ਼ਨ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਉਸ ਨਾਲ ਕਰਾਰ ਕੀਤਾ ਸੀ।ਪਹਿਲੇ ਗੇੜ ਵਿੱਚ ਚੰਗੇ ਵਿਕਟ ਵਾਲੇ ਖਿਡਾਰੀਆਂ ਵਿੱਚ ਰਜਤ ਭਾਟੀਆ (1.70 ਕਰੋੜ ਰਾਜਸਥਾਨ ਰਾਇਲਜ਼), ਮਨੀਸ਼ ਪਾਂਡੇ (1.70 ਕਰੋੜ ਕੋਲਕਾਤਾ ਨਾਈਟ ਰਾਈਡਰਜ਼), ਅਦਿੱਤਿਆ ਤਾਰੇ (1.60 ਕਰੋੜ ਮੁੰਬਈ ਇੰਡੀਅਨਜ਼), ਏ.ਐਨ. ਰਾਹੁਲ (ਇਕ ਕਰੋੜ ਸਨਰਾਈਜਰਸ ਹੈਦਰਾਬਾਦ), ਗੁਰਕੀਰਤ ਸਿੰਘ (1.30 ਕਰੋੜ ਕਿੰਗਜ਼ ਇਲੈਵਨ ਪੰਜਾਬ), ਪਰਵੇਜ਼ ਰਸੂਲ (95 ਲੱਖ ਸਨਰਾਈਜਰਸ ਹੈਦਰਾਬਾਦ) ਤੇ ਉਨਮੁਕਤ ਚੰਦ (65 ਲੱਖ ਰਾਜਸਥਾਨ ਰਾਇਲਜ਼) ਸ਼ਾਮਲ ਹਨ। ਤਾਰੇ ਨੇ ਪਿਛਲੇ ਰਣਜੀ ਸੀਜ਼ਨ ਵਿੱਚ 41 ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ ਸੀ, ਜੋ ਇਕ ਵਿਕਟਕੀਪਰ ਲਈ ਰਿਕਾਰਡ ਹੈ।ਪ੍ਰਤਿਭਾਸ਼ਾਲੀ ਗੇਂਦਬਾਜ਼ ਜਸਪ੍ਰੀਤ ਬੰਮਰਾ ਨੂੰ ਮੁੰਬਈ ਨੇ 1.20 ਕਰੋੜ ਰੁਪਏ ਵਿੱਚ ਖਰੀਦਿਆ। ਮਨਦੀਪ ਸਿੰਘ ਨੂੰ ਕਿੰਗਜ਼ ਇਲੈਵਨ ਪੰਜਾਬ ਨੇ 80 ਲੱਖ ਰੁਪਏ ਵਿੱਚ ਖਰੀਦਿਆ। ਜਲਜ ਸਕਸੈਨਾ ਨੂੰ ਮੁੰਬਈ ਇੰਡੀਅਨਜ਼ ਨੇ 90 ਲੱਖ ਰੁਪਏ ਵਿੱਚ ਖਰੀਦਿਆ, ਜਦਕਿ ਏ. ਪਟੇਲ ਨੂੰ ਪੰਜਾਬ ਨੇ 70 ਲੱਖ ਰੁਪਏ ਵਿਚ ਖਰੀਦਿਆ। ਵਿਦੇਸ਼ੀਆਂ ਵਿਚੋਂ ਬਹੁਤੇ ਖਿਡਾਰੀ ਨਹੀਂ ਖਰੀਦੇ ਗਏ।

ਟੈਸਟ ਰੈਂਕਿੰਗਜ਼: ਸ਼ਿਖਰ ਤੇ ਇਸ਼ਾਂਤ ਦੀ ਲੰਬੀ ਛਾਲ


ਦੁਬਈ, 10 ਫਰਵਰੀ - ਭਾਰਤ ਭਾਵੇਂ ਨਿਊਜ਼ੀਲੈਂਡ ਤੋਂ ਪਹਿਲਾ ਟੈਸਟ ਮੈਚ ਹਾਰ ਗਿਆ ਹੈ, ਪਰ ਇਸ ਮੈਚ ’ਚ ਸੈਂਕੜਾ ਜੜਨ ਵਾਲੇ ਭਾਰਤ ਦੇ ਸ਼ਿਖਰ ਧਵਨ ਅਤੇ ਕੁੱਲ 9 ਵਿਕਟਾਂ ਝਟਕਾਉਣ ਵਾਲੇ ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਦੀ ਆਈਸੀਸੀ ਟੈਸਟ ਰੈਂਕਿੰਗਜ਼ ’ਚ ਉਛਾਲ ਆਇਆ ਹੈ। 31 ਸਥਾਨਾਂ ਦੀ ਲੰਬੀ ਛਲਾਂਗ ਨਾਲ ਸ਼ਿਖਰ ਧਵਨ 58ਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਧਵਨ ਦੇ 433 ਰੇਟਿੰਗ ਅੰਕ ਹਨ, ਜੋ ਉਸ ਦੇ ਕਰੀਅਰ ਦੀ ਸਰਵੋਤਮ ਰੈਂਕਿੰਗ ਹੈ। ਮਹਿੰਦਰ ਸਿੰਘ  ਧੋਨੀ ਪੰਜ ਸਥਾਨਾਂ ਦੇ ਨੁਕਸਾਨ ਨਾਲ 33ਵੇਂ ਸਥਾਨ ’ਤੇ ਪੁੱਜ ਗਿਆ ਹੈ।
ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ 6 ਸਥਾਨਾਂ ਦੇ ਸੁਧਾਰ ਨਾਲ 25ਵੇਂ ਸਥਾਨ ’ਤੇ ਆ ਗਿਆ ਹੈ। ਇਸ਼ਾਂਤ ਦੇ 539 ਰੇਟਿੰਗ ਅੰਕ ਹਨ। ਇਸ ਟੈਸਟ ’ਚ ਦੋਹਰਾ ਸੈਂਕੜਾ ਜੜ ਕੇ ‘ਮੈਨ ਆਫ ਦਿ ਮੈਚ’ ਬਣਿਆ ਕੀਵੀ ਟੀਮ ਦਾ ਕਪਤਾਨ ਬ੍ਰੈਂਡਨ ਮੈਕੁਲਮ ਟੌਪ 20 ’ਚ ਸ਼ਾਮਲ ਹੋ ਗਿਆ ਹੈ। ਉਹ 15 ਸਥਾਨਾਂ ਦੇ ਸੁਧਾਰ ਨਾਲ 20ਵੇਂ ਸਥਾਨ ’ਤੇ ਪੁੱਜ ਗਿਆ ਹੈ। ਨਿਊਜ਼ੀਲੈਂਡ ਦੇ ਤੇਜ਼ ਗੇਂਦਬਾਜ਼ ਟੈ੍ਰਂਟ ਬੋਲਟ ਅਤੇ  ਟਿਮ ਸਾਊਦੀ ਦੀ ਰੈਂਕਿੰਗ ’ਚ ਵੀ ਸੁਧਾਰ ਹੋਇਆ ਹੈ। ਨਿਊਜ਼ੀਲੈਂਡ ਦਾ ਕੇਨ ਵਿਲੀਅਮਸਨ ਚਾਰ ਸਥਾਨਾਂ ਦੇ ਸੁਧਾਰ ਨਾਲ 19ਵੇਂ ਨੰਬਰ ’ਤੇ ਪਹੁੰਚ ਗਿਆ ਹੈ।
ਰੌਸ ਟੇਲਰ ਇਕ ਸਥਾਨ ਡਿੱਗ ਕੇ ਪੰਜਵੇਂ ਨੰਬਰ ’ਤੇ ਆ ਗਿਆ ਹੈ। ਭਾਰਤ ਦਾ ਚੇਤੇਸ਼ਵਰ ਪੁਜਾਰਾ ਤੇ ਵਿਰਾਟ ਕੋਹਲੀ ´ਮਵਾਰ ਛੇਵੇਂ ਤੇ 11ਵੇਂ ਸਥਾਨ ’ਤੇ ਬਰਕਰਾਰ ਹਨ। ਬੱਲੇਬਾਜ਼ੀ ਰੈਂਕਿੰਗ ’ਚ ਦੱਖਣੀ ਅਫ਼ਰੀਕਾ ਦਾ ਏਬੀ ਡੇਵਿਲੀਅਰਜ਼ ਚੋਟੀ ਦੇ ਸਥਾਨ ’ਤੇ ਹੈ, ਜਦੋਂਕਿ ਸ੍ਰੀਲੰਕਾ ਦਾ ਕੁਮਾਰ ਸੰਗਾਕਾਰਾ ਦੂਜੇ ਨੰਬਰ ’ਤੇ ਹੈ।
ਆਕਲੈਂਡ ’ਚ ਦੋਵੇਂ ਪਾਰੀਆਂ ’ਚ ਚਾਰ-ਚਾਰ ਵਿਕਟਾਂ ਉਡਾਉਣ ਵਾਲਾ ਨੀਲ ਵੈਗਨਰ 12 ਸਥਾਨਾਂ ਦੀ ਛਲਾਂਗ ਨਾਲ 28ਵੇਂ ਸਥਾਨ ’ਤੇ ਆ ਗਿਆ ਹੈ। ਇਸ ਮੈਚ ’ਚੋਂ ਬਾਹਰ ਰਿਹਾ ਭਾਰਤ ਦਾ ਰਵੀਚੰਦਰ ਅਸ਼ਵਿਨ ਇਕ ਸਥਾਨ ਗਿਰ ਕੇ ਅੱਠਵੇਂ ਨੰਬਰ ’ਤੇ ਆ ਗਿਆ ਹੈ। ਗੇਂਦਬਾਜ਼ਾਂ ਦੀ ਰੈਂਕਿੰਗ ’ਚ ਦੱਖਣੀ ਅਫਰੀਕਾ ਦਾ ਵਰਨੌਨ ਫਿਲੈਂਡਰ ਤੇ ਡੈਲ ਸਟੋਨ ´ਮਵਾਰ ਪਹਿਲੇ ਤੇ ਦੂਜੇ  ਸਥਾਨ ’ਤੇ ਕਾਬਜ਼ ਹਨ।ਆਸਟਰੇਲੀਆ ਦਾ ਰਿਆਨ ਹੈਰਿਸ ਤੀਜੇ ਸਥਾਨ ’ਤੇ ਹੈ।    


<< Start < Prev 1 2 3 4 5 6 7 8 9 10 Next > End >>

ਮੁੱਖ ਖ਼ਬਰਾਂ : 

ਖੇਡ ਖ਼ਬਰਾ : 

ਅੰਤਰਰਾਸ਼ਟਰੀ ਖ਼ਬਰਾ : 

ਪੰਜਾਬ ਖ਼ਬਰਾਂ : 

ਨਵੇਂ ਲੇਖ : 

 

 

Random Video 

Receive Newsletter & Updates 

Sample Newsletter


Receive HTML?

Advertisement
Advertisement
Advertisement
maillot de foot pas cher maillot de foot pas cher maillot de foot pas cher maillot de foot pas cher maillot de foot pas cher scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet scarpe nike air max outlet nike tn pas cher nike tn pas cher nike tn pas cher nike tn pas cher air max pas cher air max pas cher stone island outlet stone island outlet stone island outlet stone island outlet stone island outlet stone island outlet barbour paris barbour paris barbour paris barbour paris barbour paris piumini peuterey outlet piumini peuterey outlet piumini peuterey outlet piumini peuterey outlet piumini peuterey outlet canada goose pas cher canada goose pas cher canada goose pas cher canada goose pas cher canada goose pas cher canada goose pas cher woolrich outlet online piumini woolrich outlet moncler outlet online moncler outlet piumini moncler outlet moncler outlet online peuterey outlet online peuterey outlet pop canvas art mcm outlet online moose knuckles outlet